У рамках рэспубліканскай дабрачыннай акцыі» Прафсаюзы – дзецям " Антопальскую спецыяльную школу-інтэрнат 6 студзеня наведала старшыня Брэсцкай абласной арганізацыі Беларускага прафсаюза работнікаў культуры, інфармацыі, спорту і турызму Таццяна Кажанава, якая перадала ўстанове грашовы сертыфікат на ўмацаванне матэрыяльна-тэхнічнай базы.
Таццяна Сяргееўна асабіста пагутарыла з выхаванцамі дзіцячай установы, пазнаёмілася з умовамі іх пражывання, некаторым з дзяцей прафсаюзны лідэр набыла ў Васкрасенскім храме нацельныя крыжыкі, каб падарыць ім надзею і веру ў лепшае.
Таксама ў мерапрыемстве прыняла ўдзел кіраўнік Брэсцкага абласнога аддзялення Беларускага дзіцячага фонду Святлана Мірчук. Яна перадала выхаванцам салодкія падарункі, а ўстанове – грашовы сертыфікат на набыццё неабходнага для школы-інтэрната.
Да дабрачыннай акцыі далучыліся і ўдзельнікі Брэсцкага футбольнага клуба»Дынама". Хлопцы парадавалі выхаванцаў Антопальскай спецыяльнай школы-інтэрната канцылярскімі прыладамі.