25 мая ў дзяржаўнай установе адукацыі "Антопальская спецыяльная школа-інтэрнат" прайшла ўрачыстая лінейка "Апошні званок". Па добрай традыцыі, у мерапрыемстве прынялі ўдзел усе навучэнцы школы, а таксама настаўнікі і бацькі.

На лінейцы прысутнічалі ганаровыя госці: Следчы камітэт горада Брэста.

Дырэктар школы Якушэвіч Генадзь Леанідавіч адзначыў лепшых навучэнцаў школы і ўручыў ім граматы.

Шмат выдатных слоў прагучала ў адрас выпускнікоў. Першы настаўнік і класны кіраўнік пажадалі ім выбраць тую дарогу, якая па душы, і ісці па ёй смела і ўпэўнена, здзяйсняючы добрыя справы на карысць нашай Радзімы.

Падарунак выпускнікам ад навучэнцаў школы стаў танец "Папяровы караблік", які зачараваў прысутных.